ஓரங்க நாடகம்

கண்ணில்	பதிவாகும்	மனத்தில்	உருவாகும்
கனவின்	நிழலாகும்	எது	– ஒரு
காந்த	இழுப்பாகி	நீந்தத்	தடுமாறி
கலங்கி	நின்றிடுமே	அது!
பெற்ற	தாய்தந்தை	சுற்றம்	அறியாமல்
மறைவில்	நடப்பது	எது	– மனத்
திரையை	மூடிக்கொண்டு	ஓர	விழிநடத்தும்
ஓரங்க	நாடகம்	அது!
பூத்த	அழகு;மணம்	காற்றில்	பரப்பமனம்
ஏங்கித்	தவித்திருப்ப	தெது	– வரும்
அச்சம்	நாணமெனும்	மிச்ச	உணர்களால்
அடங்கிக்	கிடந்திடுமே	அது!
கொஞ்சி	மொழிபேசி	வஞ்சி	உறவாட
அஞ்சி	நடக்கவரும்	எது	– அது
அவனை	நினைந்தயிவள்	மனத்தில்	நிலைத்த அவன்
உறவுக்	காதலென்ப	தது!