Table Tag: 15

பொறுமையாக	வாழ்ந்துபாரு	போதும் – அதுவே
பொன்பொருள்	புகழ்தருமெப்	போதும்!
திறமையோடு	பெருமைகளை	சேர்ப்பாய் – இதைவுன்
சிந்தனையின்	வித்தாக	ஏற்பாய்!
அடக்கமது	வாழ்வுயர்த்தும்	சீரு – அன்பு
ஆட்சி;பள்ளம்	நிறைக்கவரும்	நீரு!
ஒழுக்கம்தான்	உனையுயர்த்தும்	பாரு – இதை
உயிரைவிட	உயர்ந்ததென்று	தேறு!
அடுத்தவர்க்கு	உதவுவது	பாண்மை – நல்ல
அறச்செயல்கள்	செய்வதுவே	மேன்மை!
கெடுத்தவர்க்கும்	நன்மைசெய்ய	தாண்மை – கெட்ட
கீழ்குணத்தார்	உறவறுத்தல்	கேண்மை!
கல்வியறி	வைப்பெருக்கு	நாளும் – அது
கற்றிடக்கற்	றிடப்பெருகிச்	சூழும்!
வளமையோடு	வலிமையுனை	ஆளும் – நல்ல
வழிநடந்தால்	செம்மைவழி	நீளும்!
குணமிருந்தால்	மனம் தருமே	மார்க்கம் – உன்னை
குன்றிலிட்ட	விளக்கைப்போ	லாக்கும்!
அனைவர்க்கும்	நன்மைசெய்யும்	நோக்கம் – இது
அடுத்ததலை	முறைக்குன்னைச்	சேர்க்கும்!