Table Tag: 29

கதிரும்	கதிரால்	கடலைப்	புணர்ந்திட
கார்முகில்	பிறந்ததுவே	மழைதரும்
கார்முகில்	எழுந்ததுவே!
கதிரின்	ஒளியைத்	தடுத்திடும்	குடையாய்
மேகம்	முகிழ்ந்ததுவே	மண்மேல்
மேகம்	பறந்ததுவே!
ஓடிடும்	மேகமும்	மேகமும்	மோதிட
ஓஙகி	ஒலித்ததுவே	இடியொலி
வாங்கி	ஒலித்ததுவே!
கூடிடும்	தோகை	மயில்கள்	இணைந்துமே
ஆடிக்	களித்தனவே	இன்பம்
கூடிக்	களித்தனவே!
வானம்	பொழிந்தது	பூமிகு	ளிர்ந்தது
வயல்கள்	நிரம்பினவே	ஏரிகள்
வயிறு	நிரம்பினவே!
தானமும்	தவமும்	தர்மம்	தழைத்திட
வானம்	பொழிந்ததுவே	வெம்மை
வஞ்சம்	அழிந்ததுவே!
காளைகள்	பூட்டினர்	கழனிகள்	ஓட்டினர்
உழவர்	நடந்தனரே	உழைக்கும்
உழவர்	நடந்தனரே!
கலயங்	களேந்தினர்	கழனியில்	கன்னியர்
கஞ்சி	கொணர்ந்தபடி	புல்வெளிப்
பஞ்சில்	நடந்தபடி!
ஆடியும்	பாடியும்	ஓடியும்	உழைத்தனர்
அன்பில்	நனைந்தபடி	தமிழரின்
பண்பில்	நிலைத்தபடி!
ஊற்றையும்	சேற்றையும்	நாற்றையும்	இணைத்தே
பயிரை	வளர்த்தனரே	நாட்டின்
உயிரை	வளர்த்தனரே!
பாடிடும்	பூங்குயில்	இன்னிசை	தென்றலில்
ஆடி	வளர்ந்ததுவே	பயிரும்
நாடி	வளர்ந்ததுவே!
புதையல்	போலவே	கதிரின்	கருவரப்
பொதிகள்	கட்டினவே	பயிரின்
வயிறும்	முட்டினவே!
உதய	மாகும்ஒளி	உலகில்	நீள்வபோல்
கதிரும்	நீண்டதுவே	அங்கே
கருணை	ஆண்டதுவே.
ஞானம	நிறைந்தவர்	தானடங்	கினர்போல்
நாணி	இருந்ததுவே	கதிர்தலை
கோணி	இருந்ததுவே!
கூனல்	கிழவரின்	வானவில்	முதுகென
குலைகள்	வளைந்தனவே	நெல்மணி
ஒலிகள்	எழுந்தனவே!
காணி	கொழித்தது	வீடு	நிறைந்தது
“பூ”மகள்	தந்தனளே	தந்தனளே	பொன்நிகர்
நென்மணி	தந்தனளே1
வயல்கள்	விளைந்தன	விளைந்தன	வயல்கள்
தைமகள்	தந்தனளே	தைதையென
தைமகள்	வந்தனளே1
வறுமை	ஒழிந்தது	செழுமை	பிறந்தது
வாழ்வு	மலர்ந்ததுவே	விவசாயி
தாழ்வு	மறைந்ததுவே!
தையும்	பிறந்தது	வழியும்	பிறந்தது
உய்யும்	வழிகாண்போம்	உலகோர்
உயரும்	வழிகாண்போம்!
பொங்கலோ	பொங்கல்	பொழிக	என்றுமே
பொங்கலும்	பொங்கட்டுமே	எங்குமே
மங்களம்	தங்கட்டுமே!