Table Tag: 61

கட்டிதந்த	கனுக்கரும்பே!	கயல்துள்ளும்	மைவிழியே!
கொட்டிவைத்த	முத்தழகே!	குலமகளே!	கனிமொழியே!
எட்டியிருந்	தென்மனதில்	இனிக்கின்ற	நல்லமுதே!
அட்டியில்லை	காந்தமென	சுற்றிடுவா	சீரழகே!
வான்நிலவு	உன்அக்காள்!	வண்மையில்	உன்தங்கை!
தேனுனக்குத்	தோழியடி!	தென்றலுனக்	கப்படித்தான்!
பூக்கூட்டம்	விண்மீன்உன்	பணிப்பெண்க	ளாகுமடி!
பேரழகே	இன்பசுகப்	பெட்டகமே	வாராயோ!
வெண்பாவின்	நடைதுள்ள	என்பாவாய்	நீ
பெண்பாவாய்	என்னுளத்தைப்	பெரும்பாலை	யாக்கிடாதே!
கண்பார்ப்பாய்	கண்மணியே!	களிசேர்ப்பாய்	என்வாழ்வில்
உன்பார்வை	என்பார்வை	ஒன்றாக்கு	மான்மகளே!
கோடியொரு	பூமலரும்	கோகிலக்கண்	நீதிறந்தால்!
ஆடிவரும்	அன்னம்தேர்	அசைபோடும்	உன்நடையில்!
பாடிவரும்	பூங்குயிலும்	பனிக்குளிரும்	உன்மொழியில்!
கூடிவர	வாழ்வுதரக்	கோதையேநீ	வந்துவிடு!
பூதளத்துப்	பொன்தனமே!	பூத்திருக்கும்	தாமரையே!
மாதரசி	மாணிக்க	மணிக்குலத்து	வாழ்வரசி!
தீதறியாத்	தென்தமிழே!	திராவிடத்துப்	பெரும்புகழே!
ஏதுமறி	யாயென்னை	ஏங்கவிடா	தேதேவி
முக்கனியின்	சாற்றைப்போல்	முத்தமிழின்	ஊற்றைப்போல்
எக்காலும்	வாழ்ந்திருப்போம்	ஏந்திழையே	வந்துவிடு
திக்கெல்லாம்	ஒளிகூட்டும்	தினகரனைச்	சாட்சிவைப்போம்
தக்கவைப்பாய்	என்னுயிரை	தந்துவிடு!	வந்துவிடு!