பாதை மாறிடு கண்ணே

இயம் பெண்ணுக்கும் வயோதிகனுக்கு நடந்த திருமணத்திற்குப் பின். முதலிரவில்
அவன்:	பாதை	மாறிடு	கண்ணே	- வாழ்க்கைப்
	பயணம்	தொடங்கும்	முன்னே!
	மாதுனை	தொடுவதும்	இல்லை	- எந்தன்
	மனதிலும்	ஆசைகள்	இல்லை!
(பாதை	மாறிடு)
அவள்:	இளமை	இருப்பது	குறையோ	- நான்
	ஏங்கித்	தவிப்பதும்	முறையோ!
	அழகை	எனக்கேன்	தந்தனை	- இறைவா
	ஆயுள்	முழுதுமா	நிந்தனை!
அவன்:	இன்பம்	தருமே	இளமை	- அதை
	ஏங்கித்	தவிக்குதே	முதுமை!
	துன்பம்	வேண்டாம்	கண்ணே	- மாறிட
	துணிந்திடு	கைபடும்	முன்னே!
(பாதை	மாறிடு)
அவள்:	பாதை	மாறுமோ	உள்ளம்	- பெண்ணின்
	பரம்பரைக்	கேயது	கள்ளம்!
	அழகை	எனக்கேன்	தந்தனை	- இறைவா
	ஆயுள்	முழுதுமா	நிந்தனை!
	கொதிக்குது	மீறுது	ஆசையே	- நான்
	கோடு	தாண்டினால்	வேசையே!
	மிதிக்குதே	கடமை	கண்ணியம்	- இதை
	மீறுமோ	எனது	பெண்ணியம்!
(பாதை	மாறிடு)
அவன்:	இறைவன்	கொடுத்தான்	இளமை	- இதில்
	இன்பம்	ஒன்றுதான்	தலைமை!
	பழியென	நினைத்தால்	மடமை	- இதில்
	பாவம்	இல்லையிது	கடமை
	ஓடிடும்	மானையும்	பிடித்தேன்	- அதை
	உற்றவ	ரிடம்	ஒப்	படைத்தேன்!
	நாடிய	செய்தேன்	அன்று	- எனக்கு
	நாடியும்	தளர்ந்தே	இன்று!
(பாதை	மாறிடு)
அவள்:	பாதை	மாறுமோ	உள்ளம்	- பெண்ணின்
	பரம்பரைக்	கேயது	கள்ளம்
	அழகை	எனக்கேன்	தந்தனை	- இறைவா
	ஆயுள்	முழுதுமா	நிந்தனை!