Table Tag: 28

நெல்லொன்று	முளைக்குமே;	கிளைஏழு	விரிக்குமே
கதிரொன்றில்	நூறுநெல்;	கிளைஏழும்	விளைக்குமே!
சொல்லொன்று	விரியுமே;	பொருள்நூறு	சிரிக்குமே!
செம்மொழியாம்	நம்தமிழின்	சிறப்பதிலே	இருக்குமே!
எள்ளியொரு	குப்பையிலே	எடுத்தெரிந்த	கொட்டையுமே
தளிர்த்தங்கு	வளர்ந்தொருநாள்	மாங்கனிகள்	தருதல்போல்
நல்லிதய	மில்லாத	நரிக்கூட்டம்	நம்தமிழை
அள்ளியெறிந்	தழித்தார்கள்	இதுதானே	வரலாறு!
ஆரியர்கள்	களப்பிரர்கள்	வடுகரொடு	மராட்டியர்கள்
அடுத்தடுத்து	இசுலாமியர்	ஆங்கிலேயர்	தொடர்கதைபோல்
சீரியநம்	தமிழழித்து	அவரவர்கள்	மொழிதனையே
சிம்மாசனம்	ஏற்றியுமே	செந்தமிழைப்	புறக்கணித்தார்!
மாறியது	அவர்களது	ஆட்சியதி	காரங்கள்
மாறவில்லை;	மாற்றமில்லை;	அழிவில்லை	தமிழுக்கு
தேறியது;	செந்தமிழும்	செம்மொழியாய்	உலகறிய
செழித்ததுவும்;	வளர்ந்ததுவும்;	தழைத்ததுவும்	தமிழ்தானே!
தொல்காப்பியர்	இளங்கோமுதல்	ஈரடியார்	நாலடியார்
நாயன்மார்	சித்தர்முதல்	நற்சங்கப்	புலவர்களும்!
ஒல்காப்புகழ்	கம்பரம்பி	காபதியொட்டக்	கூத்தர்
வில்லியோடு	நக்கீரர்	புகழேந்தி	அவ்வையார்
திரிவட	ராசப்பர்	சுப்ரதீபக்	கவிபோல்வார்
அரிதான	தமிழ்காத்து	அரியணையில்	ஏற்றினார்கள்!
தென்னாட்டு	மன்னர்பலர்	புலவர்களின்	புரவலராய்
எந்நாளும்	காத்ததனால்	செந்தமிழும்	செழித்ததன்றோ!
காற்றடித்தால்	நாணலது	கண்டிப்பாய்	ஒடியாது!
கயவர்கள்	சூழச்சியினால்	கன்னித்தமிழ்	அழியாது!
சீற்றமிகு	“கடற்கோளில்”	சிக்கிப்பின்	மீண்டதுவே
முடத்திருமா	றன்மூலம்	கடைச்சங்கம்	கண்டதுவே!
முதற்சங்கம்	இடைச்சங்கம்	மூழ்கினும்	தமிழ்மட்டும்
வாழ்கிறது	கன்னியாக	வற்றாத	இளமையோடு
மொழியடிமை	கொள்ளுதற்கு	முனைந்தார்அறு	பத்தைந்தில்
முழுமூச்சில்	பலபேர்கள்	உயிர்தந்து	தமிழ்காத்தார்!
சங்கத்தில்	வளர்ந்ததமிழ்!	தாய்மடியில்	தவழ்ந்ததமிழ்!
சிங்கத்தின்	நடைபோட்டுச்	சிம்மாசன	மிருந்த
பொடுங்கருவி	எனப்புலவர்	பொன்னாவில்	தழைத்ததமிழ்!
புதுமையெழில்	கன்னியெனப்	பூத்திருக்கும்	இனிய
மங்காத	செம்பொன்னாய்	மணிமுத்தாய்	ஒளிகாட்டி
எங்களது	வாழ்வோடு	இணைந்திட்ட	சடர்மணியே!
திங்களிளம்	பருதிகாற்று	வானமொடு	பூமிபோல
செந்தமிழே	நீ	வாழ்க!	செம்மொழியே