Tag: 60

வண்ணமலர்	பூத்திருக்கு	வண்டுவந்து	காத்திருக்கு
என்னவளே	தேனெடுத்து	இன்பம்தரவா	-கண்ணே
கன்னமுத	வாயிதழில்	கள்குடிக்கவா!
நேத்துஎன்னைப்	பார்த்துவிட்டு	நிற்காமே	போனியேடி
காத்துநிற்க	விடுவதுதான்	காதலொக்குமா	-கண்ணே
காரணத்தைக்	கூறடியோ	கண்ணுப்பக்கமா!
அன்னத்திடம்	சொன்னதென்ன	ஆருக்குநீ	தூதுவிட்டே
என்னக்கிட்ட	வரவில்லையே	என்னகதையோ	-கண்ணே
ஏக்கம்	என்னைத்தாக்குதடி	வண்ணக்கிளியே!
ஏபுள்ளே	தூக்குனேனே	இளவட்டக்	கல்லுரெண்டு
காளையை	அடக்குனேனே	காணவில்லையா	– உன்னைக்
கட்டிக்கொள்ள	என்னசெய்ய	கூறடிபெண்ணே!
கம்புச்சண்டை	கத்திச்சண்டை	குத்துச்சண்டை	மல்லுக்கட்டு
சேவச்சண்டை	கடாச்சண்டை	ஜெயிக்கட்டுமா	– இல்லை
ஆடுபுலி	வேடமிட்டு	ஆடட்டுமா!
வானவில்லைக்	கயிறாக்கி	சந்திரனை	சூரியனை
நட்சத்திரக்	கூட்டத்தைக்	கட்டிவரவா	-இல்லை
வானுலகக்	காமதேனைக்	கூட்டிவரவா !
தேன்எடுத்துத்	தேன்தரவா	தேவையென்ன	கூறடியோ
காமனுக்கு	ரதிபோல	வந்துசேரடி	– இந்த
மாமனின்னும்	எத்தனைநாள்	காத்திருப்பேன்டி !